We are Anem

"Anem Real Estate" Shpk është biznes dhe agjent i regjistruar me 02.09.2011, në Prishtinë pranë Ministrisë së Tregetisë dhe Financave të Republikës së Kosovës, me numër të biznesit 70775158, dhe numer fiskal 600705737. Anem Real Estate është pagues i TVSH-së me adresë aktuale, rrugaGaribaldi Nr. 35.

 AnEm L.T. Company,

Eshte e formuar si agjenci per patundshmeri ne fund te vitit 2011, duke dashur qe ne lemin e patundshmeris te beje ndryshime rrenjesore ne ofertat e deritanishme, ka vendosur te ju sjelle sherbim teresisht ndryshe, duke ju garantuar ne cdo moment investimin tuaj.
Synimi i AnEm LTC, eshte qe klienteve tane përvec sherbimeve te ndermjetsimit, te ju sigurojme nje sherbim te plote profesional, duke u konsultuar, duke e bere hulumtimin e tregut, analizen, vleresimin, prezentimin e pronave, potencialin e tyre si dhe mbeshtetjen ligjore.
Klienteve te cilet investojne ne patundeshmeri, ti ndihmoje ne gjetjen e qiramarresve, duke e arsyetuar vleren e investimeve te tyre. Poashtu te ofroj sherbime per te gjitha kompanite, te cilat kane per qellim zgjerimin e biznesit e te cilet deshirojne te punojne ne konfidence te plote, do perpiqemi qe klienteve tane te ofrojme vendet me atraktive per investimin e tyre.
Duke u nisur nga fakti qe AnEm LTC, eshte kompani e re ne lemin e patundshmerise por me pervoje 20 vjeqare ne lemin e biznesit, njera nga inovacionet ne kete lemi e qe deri tani te ne nuk eshte e ofruar, eshte bashkepunimi me partenert tane e te cilet jane deshmuar me kualitetin ne ndertim, me investimin e tyre ne projekte gjigante ne te gjitha trojet shqipetare.
Me oferten e madhe, dhe transparencen tone nepermjet web faqes sone per partneret tane, deshirojm qe edhe njehere te tregojme seriozitetin dhe sinqeritetin e AnEm LTC ndaj klienteve tane. Po perpiqemi te ju japim mundesine qe kerkesat tuaja ti realizoni nepermjete AnEm LTC e cila gjendet ne qender te Prishtines, e cila mund te ju informoj ne cdo moment per risit ne treg, dhe ti kryej te gjitha sherbimet e nevojshme e per te cilat ju si bleres eventual nuk keni kurfar obligimi te pageses, perveq marreveshjeve per kerkesa te vecanta.
AnEm L.T.Company me stafin e saj profesional, ne cdo hap tuajin do ju garantoj sigurine ne te gjitha transakcionet qe do ti beni nepermjet saj. Duke deshiruar qe AnEm L.T.C te jete partneri juaj ne investimet tuaja, ju urojme blerje te mbare. Me nderime,Edmond Belegu.

Kjo nuk është e vërtetë! Prona është mall si çdo gjë tjetër, dhe kur na nevojitet tjetra, më e madhe apo më e vogël, më afër apo më larg ndoshta do të duhet ta shesim të parën. Për ta realizuar këtë, e para që duhet të bëjmë është të kemi shumë kujdes, sepse në atë moment shitja e pronës ekzistuese mund të jetë çelës për punën e ardhme apo blerjen e pronës tjetër.
Nëse nuk jeni të friksuar nga kriza botërore, dhe gjithsesi keni vendosur të bleni pronë për të cilën me vite jeni duke ënderruar, para jush është një punë shumë e rëndë dhe sfiduese.
Blerja e pronës (Banesë, Shtëpi, etj. ) është një nga punët më të rëndësishme në jetën tuaj prandaj mundohuni që këtë ta bëni në mënyrën më të mirë të mundeshme.
Detyra juaj është që ti caktoni vetes kërkesën reale, ku dëshironi të jetoni dhe sa mund të paguani, kur këtë ta vërtetoni të gjitha të tjerat janë të lehta sepse e keni anën e djathtë dhe të majtë, çka është lart e çka poshtë dhe ku qendroni në të vërtetë ju.
Kur i definoni të gjitha këto atëherë dilni në aksion, ju e zgjidhni banesën apo shtëpinë, rrugen, katin,strukturën dhe sipërfaqen por duhet të jeni të gatshëm që edhe ju të bëni lëshime.
Pavarësisht asaj se sa keni mjete për blerje të patundeshmerisë, është e veshtirë ti gjeni të gjitha ashtu siq e keni planifikuar në shtëpi. Kjo është krejtësisht normale te blerja, por ajo që nuk duhet ti lejoni vetes as tani e as me vonë është që kurrë nuk duhet ti bindeni blerjes së patundëshmerisë e cila nuk ka dokumentacion të rregullt. Pra dyert, dritaret, muret, pllakat të gjitha mund të rregullohen apo të renovohen por dokumentacioni jo.
Atë pjesë të punës –kontrollimin e dokumentacionit, para çfarëdo vendimi, ëndrre apo fantazie ia besoni personit zyrtarë, jo shokut i cili e ka kryer juridikun, por avokatit apo juristit i cili është i specializuar për atë dhe miret në menyrë aktive me këtë punë.Kjo me siguri kushton, por as përafersisht me atë sa do të ju kushtoj përzgjedhja e keqe e cila ndoshta as që mund të rregullohet më.

Nëse keni qenë të pakujdesshëm në blerjën e pronës ajo do të ju kushtoj në shitjen e saj.

Këtë mbajeni në mend,

Për tu kënaqur në banesën të cilën e keni përzgjedhur, para çfardo pagese, paradhënie apo shumës së plotë, ndërmerrni të gjitha masat paraprake, me ndihmën e personit të specializuar në këtë drejtim, që të mos ndodhë që në vend të kënaqësisë te ju kthehet në hidhërim, dhe fëmijët tuaj të ju bejnë fajtorin kryesorë se pse, ku dhe si jetojnë.
Ky është vetëm një TENTIM që të përgjigjemi në pyetjen tuaj SI të gjindet një AGJENSION I MIRË DHE I BESUESHËM ose PSE të blihet një patundëshmeri nëpërmjet DIKUJT, por JU në të vërtetë e dini më së miri se ÇKA DËSHIRONI.
Nuk duhet ti harroni disa gjëra,
Që prej momentit kur niseni në AKSION duhet të lini anash obligimet tuaja ditore, të keni shumë kohë, energji e më së shumti durim.
Për ti kursyer të gjitha këto, dhe të vini deri te INFORMATAT me të sakta për MËNYRËN se si funksionon, pyeteni dikë që ka pasur PËRVOJË me ndonjë AGJENCION
Është shume e RËNDËSISHME që ta njihni dikë që e punon atë punë ose keni besim në ATË që ju rekomandojnë. REKOMANDIMET në këtë drejtim janë shumë të rëndësishme. E dini për thënjen popullore “ Zëri i mirë dëgjohet larg, kurse i keqi …. . ”
Ashtu si puna e taksistëve të cilët e kanë për detyrë të ju dregojnë deri ne destinacionin tuaj, edhe punonjësit e AGJENCIONEVE ju dërgojnë në disa vende e JU jeni ata që do ta përzgjidhni të DUHURËN.
ASKUSH, e posaqërisht agjentët e shitjes, nuk kanë të drejtë që blerësit ti imponojnë atë që duan ata të shesin, ata mund të ju sugjerojnë por MBAJENI MEND, JU jeni ai që vendosni i FUNDIT.
Para se të filloni të hyni në rrëfimin i cili quhet “Shtëpia e ëndrrave të mia “armatosuni me informata, degjoni dëshirat e më të dashurve tuaj, i parashtroni caqet tuaja REALE me ndihmën e shokëve,prindërve, bankave dhe të gjitha këto i vendosni në peshore,çka përfitoni dhe çka humbni, shpeshherë njëra anë e peshores është më poshtë nga ajo që ju keni DËSHIRË, shpeshherë dëshira është më e madhe se MUNDËSITE tuaja, e shpeshherë MUNDESITË janë më të mëdha se NEVOJAT tuaja.

RREGULLI ËSHTË QË PËR KËTË ARSYE DIKUSH SHET E DIKUSH BLEN.

Është mirë që të jeni ambicioz, të deshironi, të endërroni, dhe të vini qëllimet tuaja në një shkallë më të lartë, por në këtë drejtim duhet të jeni REAL, TË ECNI PËR TOKË, DHE TË SHIKONI TË ARDHMEN që në këtë mënyrë të kurseni së pari kohën TUAJ të vlefshme e poashtu edhe të ANËS TJETËR.
Agjencioni me shitësit e pronave bën marrëveshje për ndërmjëtësimin në shitjen e pronës. Me atë marrëveshje definohen marrëdhëniet ndërmjet dy palëve pra agjencionit dhe shitësit të pronës. Me këtë marrëveshje ndër të tjerat definohet edhe provizioni i ndërmjetësimit i cili është në lartësi prej 2% në vlerën reale të shitjës së pronës, e cila pjesë i paguhet agjencionit në momentin kur shitja realizohet.
Nëse shitësi e shet pronën pa ndërmjetësimin e agjencionit dmth(e gjenë vet blerësin), ai (shitësi) nuk ka kurfarë obligimi ndaj agjencionit edhe pse kanë bërë marrëveshjen për ndërmjetësim.

Agjencioni blerësve të vet potencial ju ofron prona, atëherë dhe vetëm atëherë kur prona ka dokumentacion të rregullt dhe të pastër juridikisht. Me nënshkrimin e marrëveshjes, shitësi garanton se patundeshmëria është e pastër dhe nuk ka kurfarë ngarkese,por nëse del e kundërta shitësi i merr përsipër të gjitha obligimet e pakryera. Marrëveshja ndërmjet palëve është njëkohësisht edhe leje për agjencionin që pronën ta ofroj për shitje në treg të hapur, por jo edhe ta shes të njejtën sepse të drejtën
e nënshkrimit të kontratës për shitëblerje e ka vetëm pronari i pronës.

Me kontratë, agjencioni dhe shitësi e nënshkruajnë vërtetimin për çmimin e pronës me të cilën e njejta do të dal në treg. Agjencioni nuk ka të drejtë që me vetëdëshirë pa pajtimin e shitësit të ndërroj apo të ofroj çmime tjera pa dijen e pronarit. I gjithë procesi i ndërmjetesimit është aktivitet i përbashkët i shitësit dhe agjencionit, ku agjencioni si bashkëpunëtor i specializuar i ndihmon shitësit që sa më shpejtë ta shesë të njejtën me kushte që janë dakorduar më herët.
Kur e marim parasyshë se për shumicën e njerëzve, blerja e pronës është blerja më e madhe të cilën do ta bëjnë në jetë, është joserioze që të veprojnë pa planifikim apo strategji të përgatitur për investiminnë të njejtën. Pavarësisht a jeni investues me përvojë apo i ri, i gatshëm për të hyrë në treg, këto 10 këshilla do të ju ndihmojnë që me menquri ti investoni parat tuaja, dhe që ky investim të jëte profitabil për ju në të ardhmen.

1Përzgjedhni një pronë e cila është atraktive për qiradhënje. Çfardo prone që vendosni ta blini, duhet të jetë në gjendje të mirë (ose në gjendje që me pak investim të rregullohet ), dhomat e fjetjes duhet të jenë të mëdha, mundësisht duhet të ketë parking,apo garazhe, të jetë e pozicionuar larg zhurmës ose (tëpaktën dhomat e gjumit të jenë në anën ku nuk ka zhurmë). Kërkoni që (banesa apo shtëpia ) të jetë në vendin ku ju mund ta leshoni lehtë me qira nëse ky është synimi juaj.

2Përzgjedhni një pronë në vendin ku ka potencial që ti rritet vlera. Përzgjedhni pronën në afërsi të qendrës së qytetit, si dhe ato që në afërsi kanë çerdhen e fëmijëve, shkollën, qendrën rekreative, ose plazhin, lumin apo vendeve ku mundësia e rritjes së vlerës është më e madhe , derisa me rrastin e ç’rregullimit të tregut janë më të qëndrueshme në zhvlerësimin e tyre.

3Jashtëzakonisht mirë për të qenë e vërtetë. Pronat e lira janë të lira për një arsye, e arsyeja më e shpeshtë është mungesa e kërkesës në kombinim me ofertën e madhe në atë rreth. Në princip më mirë është të investoni në një lokacion më të mirë edhe pse më shtrenjtë, se aty ku është e lirë dhe askush nuk dëshiron ta blejë.

4Rriteni vlerën e pronës me investime të vogla në renovimin e tyre. Shumë shpesh investimet si lyerja e murreve, ndërrimi i parketit, ndërrimi i dritareve, rregullimi i oborrit apo ballkonit, lyerja e rrethojës, vënia e perdeve të reja, venecijaneve apo ndërrimi i kapakëve të kuzhinës mund të bëjë ndryshim të madh në çmimin e pronës tuaj. Rregulli i vjetër është që në çdo euro të investuar të përfitoni 1 ose 2 më
shumë.

5Sigurohuni përmes ri-financimit. Kur prona juaj të arrin vlerën e duhur, veprim i duhur është që të krijoni një zonë të caktuar të ri-financimit te borxhit. Me këtë veprim do të siguroheni që edhe në kohë të vështira (psh. të mbeteni një kohe pa punë )do të mund të paguani hipotekën tuaj pa problem. Mos e lejoni veten që në moment të caktuar të jeni të detyruar të shitni pronën e për të cilën ndoshta në atë moment nuk do të merrni çmimin real, e në anën tjetër duhet të paguani tatime etj.

6Qiradhënje për periudhë më të gjatë. Mundohuni që të gjeni një agjension të mirë për lëshimin e pronës tuaj, i cili do të ju gjejë qiramarrës të besueshëm e të cilët paguajnë me kohë. Shqyrëtojeni mundësinë se si do të lidhni një kontratë së paku 12 mujore, e që sadopak do të jeni të siguruar për atë periudhë kohore (sidomos nëse mjetet e qirasë i keni me rendësi për pagesë të ndonjë kësti etj).

7Kerkoni vlerësim të pavarur të patundëshmërisë, para se të investoni. Blerësit ndonjëherë reagojnë emocionalisht kur blejnë patundëshmëri, e me ç’rast jo rrallë paguajnë më shumë se që patundëshmëria
e ka vlerën reale. Duke investuar në vlerësimin e pavarur, dhe duke i krahasuar vlerat, pothuajse mund të jeni të sigurt që nuk do të paguani më shumë se që duhet.

8Mos merrni vendime të menjehershme për shitje. Shitja e pronës ndonjëherë mbartë me vete edhe shpenzime të pallogarritura (të fshehta)siq janë, pagesa e tatimit në pronë, shpenzime tjera nëse bleni pronë tjetër (provizione të ndermjetësuesit, shpenzimet për avokat, . . . . . . ). Ri-financimi mund të jetë një zgjidhje e mirë për përfitime në periudhë më të gjatë, e që ju të mos e shitni pronën dhe të rritni kapitalin.

9Momenti i investimit nuk është i njejtë për të gjithë. Vendimëmarrja është momenti i duhur për investim për ata që spekulojnë, e jo për ata që investojnë. Nëse ju personalisht mund ta përballoni blerjën, si dhe ta mbani pronën tjetër dhe të kryeni obligimet tuaja atëhere për ju është gjithmonë momenti i duhur.

Dhe keshilla më me rëndësi

10Rrethohuni me ekipin e profesionistëve. Te gjitha mund ti bëni vetë, POR angazhimi i profesionistëve, në të gjitha profilet që kanë lidhje me shitblerje të patundëshmërisë mund të ju kursejë një shumë të madhe parash për periudhë afatgjate. Për fillim çdo investitor duhet të ketë kontabilist, bankën,këshillëtarin finaciar, vlerësuesin, inspektorin e ndërtimtarisë, dhe agjentin për ndërmjëtësime.Ekzistojnë agjencitë të cilat i kanë të gjitha këto ose të paktën disa nga keto profile në rrethin e bashkëpunëtorëve te vetë.

Shërbimet Tona

Shërbim Shitje

Ne e pranojmë se ka shumë më tepër për të shitur një pronë sesa të rekomandojmë një çmim të kërkuar.

Shërbim Qira

Oferta jonë tregtare shkon nga menaxhimi i pronave me qira, blerjes.

Lista e pronave

Ekspertët tanë të shitjes mund t'ju ndihmojnë të gjeni atë që kërkoni - nëse kjo është një shtëpi e re, një qiramarrëse.

Menaxhim pronash

Ne i ndihmojmë qiradhënësit që ta lënë pasurinë e tyre, nëse kjo po i ndihmon ata të kuptojnë legjislacionin për qira.