Patundshmëri vs Bitcoin: Cila është më mirë për investim?
Patundshmëri vs Bitcoin: Cila është më mirë për investim?
Zgjedhja mes këtyre dy mundësive për investim mund të shkaktojë konfuzion. E çka e bën edhe më të vështirë është pasiguria që ka sjellë situata e pandemisë.
Për një kohë të gjatë, investimi në patundshmëri ka qenë një nga mënyrat më të mira për të fituar para në të gjithë botën. Andrew Carnegie thotë se rreth 90% e të gjithë njerëzve të pasur bëhen të tillë përmes patundshmërisë.
Para se të flasim se cila formë është më e mirë për investim, është e rëndësishme të kuptoni se çfarë është Bitcoin dhe si funksionon.
Pra, çfarë është Bitcoin?
Krijuar në vitin 2009 nga Satoshi Nakamoto, Bitcoin është një formë e kriptomonedhës dixhitale. Ashtu si çdo monedhë tjetër, Bitcoin mund të përdoret për të blerë mallra dhe shërbime nga tregtarët që pranojnë pagesa Bitcoin.
Bitcoins krijohen duke përdorur një proces të quajtur 'mining' i cili përfshin zgjidhjen e enigmave komplekse të matematikës. Ato pastaj ruhen në një portofol dixhital i cili mund të jetë në cloud ose në smartphone ose kompjuterin e një përdoruesi.
Këtu janë disa nga karakteristikat themelore të Bitcoin:
Decentralizimi - Monedhat konvencionale si Yen, Dollar dhe Euro kontrollohen dhe rregullohen nga bankat qendrore. Bitcoin, nga ana tjetër, nuk kontrollohet nga asnjë institucion i vetëm.
Anonimiteti - Institucionet financiare dinë pothuajse gjithçka për klientët e tyre; numrat e telefonit, historia e kreditit, zakonet e shpenzimeve, etj. Me Bitcoin, njerëzit mund të bëjnë transaksione pa zbuluar identitetin e tyre.
Transparenca - Të gjitha transaksionet me Bitcoin ruhen përgjithmonë në Blockchain i cili është transparent për publikun.
Investimi në Bitcoin po bëhet i famshëm për disa arsye:
Barriera të vogla për investime - Siç u përmend më herët, një Bitcoin mund të ndahet në njësi më të vogla. Kjo do të thotë që ju mund të filloni të blini Bitcoin me vetëm 100 dollarë.
Vlera në rritje - Me rritjen e interesimit për Bitcoin, më shumë investitorë individualë dhe institucionalë po nxitojnë të marrin pjesë. Është parashikuar që çmimi i një Bitcoin do të tejkalojë 100,000 dollarë për pak vjetë.
Stabiliteti - Duke qenë kriptomonedha e parë, Bitcoin është vertetuar të jetë një investim i besueshem dhe i sigurtë.
Por, këtu është arsyeja pse investimi në patundshmëri është mënyra më e mirë e investimit në 2021:
Vlera e prekshme e aseteve - Investimet në prona të paluajtshme mbështeten nga struktura fizike ose tokë.
Burimi i rrjedhës së parasë (cashflow) - Investimi në prona me qira (tradicionale ose Airbnb) ju lejon të shijoni rrjedhën e parasë përmes të ardhurave mujore.
Mbrojtja kundër inflacionit - Vlerat e banesave dhe qiratë zakonisht rriten në proporcion të drejtë me inflacionin.
Përfitimet tatimore - Investitorët e pasurive të paluajtshme kanë të drejtë për zbritje tatimore të tilla si amortizimi, taksat, sigurimet, riparimet, komisionet dhe shërbimet.
Si përfundim...
Patundshmëri kundrejt Bitcoin: Cili është opsioni më i mirë?
Bitcoin është një pasuri diskutabile, me shpërblime, por edhe rreziqe të jashtëzakonshme. Nëse vendosni të investoni këtu, bëjeni me kujdesin më të madh!
E megjithatë, pasuritë e paluajtshme janë përgjithësisht investimi më i mirë. E mira është se mund të blini prona të paluajtshme me Bitcoin dhe kështu i kombinoni këto dy forma investimi për një rezultat të frytshëm.
