Detajet e blogut

Pse gjithnjë të duhet një agjent profesional për të realizuar me sukses transaksionin e pronës?

Kur bëhet fjalë për blerjen e një shtëpie e sidomos së shtëpisë së parë, shpesh kemi mungesë të aftësive dhe përvojës së nevojshme për të bërë kërkimin për shtëpinë e ëndrrave, dokumentet që duhen përfunduar dhe kostot që duhet vlerësuar.

Hapi i parë në blerjen e një shtëpie konsiston pikërisht në kërkimin e pronës, një fazë që mund të zgjasë shumë muaj, veçanërisht nëse kërkesat janë të shumta. Por në çdo rast, ne nuk duhet të dekurajohemi dhe mbi të gjitha nuk duhet të nxitojmë. Më mirë të vonosh disa javë në vend që të dorëzohesh në tundimin e një zgjidhjeje që nuk është plotësisht bindëse.

Të ndihmoheni dhe të ndiqeni hap pas hapi në të gjitha hapat e shitjes nga një agjent i patundshmërive është shumë e dobishme. Kur e përshkruan me saktësi se çfarë lloji të shtëpisë po kërkon, me çfarë karakteristikash, në cilën zonë, agjenti i pasurive të patundshme ka mjetet për t'ju drejtuar shpejt drejt zgjidhjeve më të mira.

Një agjent i pasurive të patundshme është një ndërmjetës i cili punon për të gjetur blerësin e duhur për pronën e duhur. Detyra e tij konsiston në bërjen e hulumtimeve, por mbi të gjitha në asistimin e të dy palëve, objektivisht për t'i sjellë ato në përfundimin e marrëveshjes.

Kur gjeni një shpallje për një shtëpi që duket e përshtatshme për kërkesat tuaja dhe kërkoni një takim me agjencinë që menaxhon shitjen, përfitoni nga takimi për të vlerësuar propozime të tjera në portofolin e tyre.

Megjithëse agjenti i pasurive të paluajtshme është një ndërmjetës midis palëve, ekzistojnë disa karakteristika që bëjnë diferencën.

Agjenti i pasurive të patundshme mund t'ju informojë për gjërat që duhet të posedoni para se të nënshkruani marrëveshjen, si dhe për kontrollet që duhet të bëhen në pronën që ju intereson të blini (prania e hipotekave, borxhet e bashkëpronësisë apo elemente tjera të ngjashme) dhe ju ndihmon në përgatitjen e dokumentacionit të nevojshëm për përfundimin e marrëveshjes.

Në këtë drejtim, është mirë të dihet se agjentët e pasurive të patundshme nuk improvizojnë. Për të bërë profesionin e agjentit të patundshmërive nuk është e thjeshte sa duket. Një agjent i mirë trajnohet gjatë gjithë kohës, është në hap me kohën, ka njohuri mbi të gjitha gjërat që ndodhin në treg dhe ka njohuri mbi rregullat dhe ligjet për përmbylljen e transaksioneve.