Një zyrë (jo) e përsosur

Zyrat nuk janë të gjitha njësoj, disa janë më të mira se të tjerat. Por, nuk ka zyrë të përsosur, ka zyrë të përsosur për ju. Nëse ndiheni keq në zyrën tuaj tani dhe dëshironi të bëni ndryshime, është shumë e thjeshtë ta rregulloni këtë çështje, vetëm ndiqni këto 5 rregulla për zyrën perfekte.

# 1 Mbani të rregullt ambientin!

Mos keqkuptoni, gjithçka nuk ka nevojë të renditet në tryezë dhe çdo libër apo dosje të jetë i ruajtur me kujdes në raftin e librave. Dua të them, edhe pse duket sikur një tornado ka kaluar, e vetmja gjë që ka rëndësi është që ju të dini saktësisht se ku mund të gjeni atë që po kërkoni.

Foto 1. Lokal me qira në Qendër

A keni nevojë për laps? Mjafton ta dini se pikërisht se në këndin e djathtë të tavolinës tuaj nën grumbullin e letrave mund ta gjeni.

Mos gjetja e gjërave është burim i madh i stresit, sepse shpesh ndërpret bisedën që po bëni dhe detyron trurin tuaj të kërcejë nga një mendim në tjetrin vetëm për të gjetur një laps për të shkruar.

# 2 Zyra duhet të pasqyrojë personalitetin tuaj!

Nëse e urreni ngjyrën e gjelbër, nuk mund të keni sirtarë të gjelbër. Po kështu, nëse urreni një lloj të caktuar modeli ose orendie, nuk mund të kaloni dhjetë orë në ditë pa vuajtur pasojat.

Në një vend që nuk e ndjeni tuajin është e pamundur të relaksoheni. Duke marrë parasysh që jeni në punë, pra jo saktësisht një vend për t'u çlodhur, të paktën mjedisi nuk duhet të dëmtojë ndjeshmërinë tuaj.

Foto 2. Lokal me qira në lagjen Pejton

# 3 Duhet të jetë komode!

Mirë, është në rregull ta keni ndonjëherë ambientin e çrregullt, sepse kështu mendoni që jeni të organizuar më mirë. Por a është karrigia para jush të paktën e lirë? Nëse situata lejon, a mund të zgjasësh këmbët apo duhet të ngrihesh dhe të lëvizësh gjërat në tavolinën që ke afër?

Kjo padyshim është e ekzagjeruar, por komoditeti është i rëndësishëm. Filloni me karrigen në të cilën kaloni të gjitha ato orë pune.

Foto 3. Lokal me qira në sheshin Edit Durham

# 4 Duhet të jetë e qetë!

Disa njerëz nuk e durojnë dot zhurmën, ndërsa të tjerët jetojnë me të shumë mirë. Sidoqoftë, ndonjëherë të dy kanë nevojë për qetësi dhe zyra në të cilën punojnë duhet të jetë në gjendje ta sigurojë atë.

Foto 4. Shtëpi me qira për zyrë në lagjen Dardania

# 5 Duhet të sigurojë intimitet dhe siguri!

Sigurisht, nuk po i referohemi vetëm të qenit vetëm në një dhomë pune. Edhe në rastin e një zyre të përbashkët, ka disa gjëra që mund të keni dëshirë ti bëni vetëm. Për shembull telefonata ose ngrënie.

Përsëri, dhoma ku keni tryezën tuaj nuk ka nevojë të ofrojë këto privilegje, por ambienti ku punoni duhet të përfshijë vende ku mund të bëni gjëra të tilla si të hani ose të telefononi pa u shqetësuar të tjerët.

Steve Jobs thekson se puna juaj do të mbushë një pjesë të madhe të jetës tuaj, dhe mënyra e vetme për të qenë vërtet i kënaqur është të bëni atë që besoni se është punë e shkëlqyeshme. Dhe mënyra e vetme për të bërë punë të shkëlqyera është të duash atë që bën. Nëse nuk e keni gjetur akoma, vazhdoni të kërkoni. Ashtu si me të gjitha çështjet e zemrës, ju do ta dini kur ta gjeni.